WANANCHI WAFURIKA BAADA YA KUPATA TETESI YA KUWEPO KWA MADINI YA DHAHABU MTAA WA SHUNU MJINI KAHAMA, SERIKALI YATOA TAMKO

Imewekwa: August 20th, 2017

Taharuki na hali isiyo ya kawaida imejitokeza jana katika mtaa wa Shunu Kata ya Nyahanga Mjini Kahama baada ya wananchi kufurika na kuanza kuchimba wakiamini kuwa eneo hilo lina madini ya Dhahabu.

Haijaeleweka mara moja nani aliyeanzisha mchakato huo na kuwaaminisha wananchi uwepo wa madini hayo katika eneo hilo. Hata hivyo jeshi la polisi lilifanikiwa kuwatawanya watu hao na kufanya hali ya amani kurejea.

Katika hatua nyingine Mkuu wa Wilaya ya Kahama Ndg. Fadhili Nkurlu amewaonya watu wote kutoendesha zoezi la uchimbaji katika eneo hilo kwani suala la madini lina Mamlaka yake na taratibu zake.