TASAF kufanya zoezi la kuhakiki taarifa za Walengwa wa Mradi wa Kunusuru kaya Maskini

Imewekwa: July 20th, 2020

Maafisa wawezeshaji wa TASAF Halmashauri ya Mji wa Kahama wametakiwa kuwa waadilifu wakati wa zoezi la uhakiki wa Kaya za Wanufaika wa Mpango wa Kunusuru Kaya Maskini  (TASAF) katika utekelezaji  wa kipindi cha pili cha awamu ya tatu ya TASAF.

Hayo yameelezwa na Mkurugenzi wa Halmashauri ya Mji wa Kahama Ndg. Anderson Msumba  wakati wa ufunguzi wa Kikao Kazi cha Wakuu wa Idara na Vitengo na Wawezeshaji  wa TASAF juu  ya  utekelezaji wa Kipindi cha Pili cha Awamu ya Tatu ya TASAF .

Msumba amewataka wawezeshaji hao kuwa makini wakati wa mafunzo ili kufanikisha zoezi la uhakiki wa kaya za walengwa wa TASAF   na  kuondoa dhana iliyojengeka kwa jamii ya kuwepo Walengwa hewa.

Aidha, Msumba amewataka wawezeshaji hao ambao ni watumishi wa Umma  kuwa waaminifu na waadilifu wakati wa zoezi hilo. 

Kwa upande wake Mtaalamu wa Mafunzo na Ushirikishwaji kutoka TASAF Makao makuu,Ndg.MERCY MANDAWA amesema wawezeshaji kwenye Halmashuri zote  nchini wamechangia kwa kiasi kikubwa katiks utekelezaji wa TASAF kuwa rahisi ,hivyo ametoa rai kwao kutumia mafunzo hayo kuisaidia jamii kujua kutunza kumbukumbu na kuweka akiba kwa lengo la kujikwamua kutoka hali duni.

Semina hiyo ya kuwajengea uwezo Wawezeshaji wa Halmashauri ya Mji wa Kahama inafanyika  kwa siku mbili kuanzia tarehe 20 hadi 21,Julai 2020.