Ofisi mpya ya Kata ya Busoka yazinduliwa, Wadau washiriki ujenzi

Imewekwa: September 23rd, 2022

Mkurugenzi wa Halmashauri ya Manispaa ya Kahama Ndg. Anderson Msumba mapema leo amezindua ofisi mpya ya Kata ya Busoka ambayo imejengwa kwa Ushirikiano wa Halmashauri na Wadau wake wa Maendeleo. 

Akizindua Ofisi hiyo, Msumba amewataka wadau wa Maendeleo kutochoka kujitoa kwaajili ya Maendeleo ya Kahama. Aidha amewaasa wataalamu wa Kata hiyo kuitumia ofisi hiyo kuboresha huduma kwa Wananchi kwani Wananchi ndo Waajiri wa Watumishi. Pia amewataka Watendaji wa Kata kuiga Mfano wa Mtendaji wa Busoka Bi. Halima kwa kuwashirikisha wadau katika mambo ya Maendeleo.

Katika hatua nyingine Msumba na timu ya Wataalamu wa Halmashauri aliyoongozana nayo wametoa Milioni tano kwaajili ya kuanza ujenzi wa Uzio wa ofisi hiyo.

Jumla ya Shilingi za Ki-Tanzania Milioni 60.2 zimetumika kujenga ofisi hiyo ya Kata pamoja na Choo.