Mkuu wa Mkoa wa Shinyanga akagua Maendeleo ya Kilimo Wilayani Kahama, aongea na wakulima.

Imewekwa: January 26th, 2018

Mkuu wa Mkoa wa Shinyanga Bi. Zainabu Tellack leo amehitimisha ziara yake Wilayani Kahama kwa kukagua Maendeleo ya Kilimo Halmashauri ya Mji Kahama. Akiwa Mji wa Kahama Mkuu wa Mkoa ametembelea mashamba na kuongea na wakulima moja kwa moja. Bi. Tellack amewaagiza maafisa Kilimo kuendelea kuwafikia wakulima na kuwashauri. 

Aidha Mkuu wa Mkoa ameridhishwa na hali za mazao mashambani na kuwaasa wakulima kukumbuka kuweka akiba pindi wakivuna mazao yao. 

Katika hatua nyingine Mkurugenzi wa Halmashauri ya Mji Kahama Ndg. Anderson Msumba ameahidi kumsaidia Mkulima wa Pamba wa kijiji cha Ngulu kata ya Ngogwa Ndg. Richard Mifuko 48 ya Mbolea na Bomba la kupulizia dawa baada ya kuvutiwa na jitihada za mkulima huyo ambaye amelima ekari 24 za zao la Pamba.