Kampeni ya Chanjo ya Polio yazinduliwa

Imewekwa: September 1st, 2022

Mkuu wa Wilaya ya Kahama Mhe. Festo Kiswaga amezindua kampeni ya Chanjo ya Polio kwa mzunguko wa tatu Wilaya ya Kahama. Uzinduzi huo umefanyika mapema leo kwa kupitia kikao kazi kilichojumuisha wataalamu wa Afya na kamati ya Msingi ya Afya ya Jamii . Kwenye kikao hicho Kiswaga amewataka wataalamu wa Afya na Kamati kuhakikisha kila mlengwa wa Chanjo ya Polio anafikiwa na kupatiwa chanjo.

Kampeni hiyo ni ya Siku nne kuanzia Tarehe 1-4 Septemba, 2022 kwa Watoto walio chini ya umri wa Miaka Mitano ambao Walipata na ambao hawakupata chanjo kwenye mzunguko uliopita.

Huduma itatolewa nyumba kwa nyumba na kwenye vituo vya kutolea huduma ya Afya.