Kamati Ya Ulinzi na Usalama Wilaya ya Kahama Watoa Somo kwa Wenyeviti wa Mitaa na Vijiji

Imewekwa: May 20th, 2017

Kamati ya Ulinzi na Usalama Wilaya ya Kahama wametoa elimu kwa wenyeviti wa Mitaa na Vijiji juu ya Utawala bora, amani na uwajibikaji. Hii imetokea Jumamosi ya Tarehe 20/05/2017 ambapo Wenyeviti wa Mitaa na Vijiji walikuwa wanahitimisha mafunzo ya Mfumo Mpya wa Ruzuku za Maendeleo ulioboreshwa (Improved O&OD).

Akiongea kabla hajawakaribisha watoa mada alioambatana nao, Katibu Tawala wa Wilaya ya Kahama Ndg. Timothy Ndanya, alisisitiza juu ya Kuilinda amani ya nchi kwani ndo nguzo pekee inayowezesha maendeleo.

Mada zilizowasilishwa zilikuwa ni pamoja na Vita dhidi ya Rushwa, uhamiaji haramu, Madawa ya Kulevya na utii wa Sheria.