Kahama yaingia Mkataba na TIB "Ujenzi wa Stendi Mpya ya Mabasi"

Imewekwa: November 12th, 2018

Halmashauri ya Mji wa Kahama imefunga Mkataba na Benki ya Uwekezaji Tanzania (TIB DEVELOPMENT BANK LTD) wa Kiasi cha Tsh. 382,500,000/ kwa ajili ya Uwezeshwaji wa Kiufundi (Technical Assistance Agreement) katika Kuandaa Upembuzi yakinifu (Feasibility Study) , Scheme Design, Detailed Designs, Bill of Quantities, Business Plan na Tender Documents kwa ajili ya  ujenzi wa Stendi ya Mabasi ya  Kisasa.

Mkataba huo umesainiwa Leo Jijini Dar es Salaam kwa pande zote mbili kuafikiana kulinda na kutekeleza yaliyomo kwenye Mkataba huo.

Akizungumza baada ya kusaini Mkataba huo, Mkurugenzi wa Halmashauri ya Mji wa Kahama Ndg. Anderson Msumba amesema kuwa kukamilika kwa Stendi hiyo kutasaidia kuongeza wigo wa kutoa huduma na pia ni chanzo Cha Mapato. 

"Tunategemea sasa hadi Mwezi Februari maandalizi ya awali na March 2019 Ujenzi unaanza kwa kipindi cha miezi 10 kwahiyo tunatarajia Mwakani mwezi.Septemba 2019 Stendi itaanza kufanya kazi" Amesema Msumba

Stendi ya Kisasa ya Mabasi inatarajiwa kujengwa Eneo la Mbulu mjini Kahama.